ENG
თბილისობა 2015
ცეკვის საღამოები ლიბერთისგან იმოძრავე ლიბერთისთან ერთად რესტარტი 60+ ევროპის ახალგაზრდული პარლამენტი თიხით ძერწვის კურსი - არტ თერაპია 60+ ჭადრაკის ჩემპიონატი 60+ „მე მოხუცი არ ვარ“ - 8 მარტი ინტერნეტისა და კომპიუტერის შემსწავლელი უფასო კურსები 60+ რთველი ლიბერთის და ნიკორას საჩუქარი ფასდაკლება სამედიცინო სერვისებზე 2017 წლის სოციალური პასუხისმგებლობის (CSR) ანგარიში ახალი წელი ყველასია! ერთად ვიბრძოლოთ ძუძუს კიბოს წინააღმდეგ - შემოგვიერთდით! დესპანები სოლიდარობის ფონდი First Step Georgia სისხლის უანგაროდ დონაცია ქაღალდის გადამუშავება #13ივნისი ფილმი მე-2 მსოფლიო ომის ვეტერანებზე საქველმოქმედო ფონდი "ნატვრის ხე" ახმეტის ბავშვთა სახლი
თბილისობა 2015

"თბილისზე მზრუნველის" ჯილდო 2015

 „თბილისობა 2015“-ის ფარგლებში ლიბერთი ბანკმა ქალაქ თბილისის მერიის ახალი პროექტის - „თბილისზე მზრუნველის“ ფარგლებში გამოვლენილი გამარჯვებულები 4,000 ლარიანი ფულადი საჩუქრით დააჯილდოვა.

„თბილისზე მზრუნველის“ ჯილდო 4 მოქალაქეს გადაეცა:
ილია ჩოხელი - 4 წელია რაც თბილისის მეეზოვეა და იგი რიყის პარკის ტერიტორიის სისუფთავეზე ზრუნავს. ილია თბილისში დაიბადა და იზრდებოდა სკოლა-ინტერნატში. სკოლის დამთავრების შემდეგ ის ცხოვრობს სხვადასხვა ეკლესია- მონასტრებში. ილიას ცხოვრება რამდენიმე წლის წინ რადიკალურად შეიცვალა, როცა 9 უდედმამო ბავშვზე აიღო მზრუნველობა. მას საკუთარი ოჯახი არასდროს ქონია, თუმცა ეს ბავშვები მისი პატარა ოჯახის დიდი წევრები არიან. უსახსრობის გამოილიას ბავშვების გაზრდაში მეგობრები ეხმარებიან. ამ ყველაფრის მიუხედავად, ილია დამატებით ეხმარება სოციალურად დაუცველ ოჯახებს და ამისთვის სხვა ქუჩებისა და ეზოების დალაგება უწევს. ილია ჩვენი დედაქალაქის მეეზოვეა, რომელსაც არ აქვს სახლ-კარი და მისი ერთადერთი მისამართი თბილისია.
 

თორღვა თორღვაშვილი - 13 წელია თბილისის სამაშველო სამსახურში მუშაობს. ის მრავალი განსაცდელის მომსწრე გამხდარა, თუმცა 13 ივნისის ტრაგედიამ, თორღვას სამსახურეობრივი ცხოვრება რადიკალურად შეცვალა. მისი სამაშველო გუნდი სტიქიის ეპიცენტრში მოექცა და მათმა თავდადებამ და გმირობამ ბევრი ადამიანის სიცოცლე იხსნა.
 

გიორგი ლომიძე - მისი პროფესია საკმაოდ მრავალფეროვანია და მას მოხალისე ქვია. გიორგიმ თავი თბილისელებს მისი საქციელით დაამხასოვრა, როცა 13 ივნისს სტიქიით დაზარალებულებსა და სამაშველო გუნდის მოხალისეებს უსასყიდლოდ, ტრასპორტირებით ემსახურებოდა.
 

არტურ პეტროვი - 25 წელია რაც თბილისის მთავარი მესაათეა. არტურს ეს პროფესია შეიძლება ითქვას მემკვიდრეობით ერგო, რადგან მისი მამაც პროფესიით მესაათე იყო და ეს ხელობა მას მამისგან ერგო. თბილისის მთავარი მესაათე, ყოველ დღე საღამოს 08:00 საათზე ქოქავს თბილისის მთავარ საათს, რომლის მექანიზმიც 1884 წლიდან არ შეცვლილა. ბევრს ალბათ არც შეუმჩნევია, მაგრამ თბილისის მთავარი საათი, ყველა საათის ბოლოს უკრავს რევაზ ლაღიზის ცნობილ სიმღერას -„თბილისო“ 

"თბილისზე მზრუნველის" ჯილდო, ყოველწლიურად, იმ მოქალაქეებს გადაეცემა, ვინც თავდადებით ემსახურება საკუთარ პროფესიას, ზრუნავს და საკუთარი წვლილი შეაქვს დედაქალაქის განვითარებაში.